Ellis Ludwig-Leone

Um listamanninn

Bandaríska tónskáldið Ellis Ludwig-Leone sótti tónskáldasmiðju Við Djúpið árið 2012 og tók þá ástfóstri við Ísafjörð. Hann hefur komið hingað af og til síðan og unnið að ýmsum verkefnum. Ellis varð fyrst þekktur sem lagahöfundur indí-hljómsveitarinnar San Fermin en hefur undanfarinn áratug samið tónlist fyrir ýmsa fremstu tónlistarmenn og kammerhópa í heimalandinu og utan þess. Hann hefur líka unnið með listamönnum í öðrum greinum svo sem danshöfundinum Troy Schumacher og flokki hans BalletCollective. Nýjasta samvinnuverkefni þeirra er dansóperan The Night Falls, með líbrettói eftir Karen Russell, sem frumsýnd var í fyrra og útnefnd ein af bestu danssýningum ársins af The New York Times.