VIÐ DJÚPIÐ

17.–21. JÚNÍ 2025

Við Djúpið er kammertónlistarhátíð þar sem ný og gömul tónlist mætast í fjölbreyttri tónleikadagskrá þegar sól er hæst á lofti – um sumarsólstöður – á Ísafirði ár hvert. Samhliða tónleikadagskrá er boðið upp á sumarnámskeið fyrir tónlistarnemendur og tónlistarleikjanámskeið fyrir börn. Ísafjörður skapar einstaka umgjörð þar sem aðstaða til tónleika- og námskeiðshalds er til fyrirmyndar og náttúran býður upp á afþreyingu fyrir alla.

Árið 2025 fer tónlistarhátíðin Við Djúpið fram dagana 17.–21. júní. Alla daga eru í það minnsta tvennir tónleikar á dagskrá; um miðjan dag og að kvöldi og þegar líður á þéttist dagskráin. Aðaltónleikaröð hátíðarinnar fer fram í Hömrum, sal Tónlistarfélags Ísafjarðar en aðrir ýmist í Edinborg eða annarsstaðar í bænum.

Samhliða tónleikadagskránni fara fram námskeið fyrir tónlistarnemendur með masterclass- og hópkennslusniði í kammertónlistarflutningi auk masterclass-námskeiðum á einstök hljóðfæri. Aðalnámskeið hátíðarinnar er kammernámskeið þar sem nemendum er komið fyrir í kammerhópum.

Í tengslum við hátíðina er boðið upp á hliðardagskrá fyrir tónleikagesti þar sem afþreyingarmöguleikum svæðisins er ofið saman við einstaka sérviðburði sem hátíðin stendur fyrir.

LISTAMENN

Helga Karen (FI) píanó

Owen Dalby (US) fiðla

Decoda (US) kvartett

Antigone (US) tríó

Tuomas Toivonen (FI) fiðla

Karoliina Hellberg (FI) myndlist

Josefina Nelimarkka (FI) myndlist

Carol McGonnel (ÍE) klarinett

Helga Kristbjörg Guðmunddóttir (ÍS) harmonika

Sigríður Thorlacius (ÍS) söngur

Hildigunnur Einarsdóttir (ÍS) söngur

Ellis Ludwig Leone (US) söngvaskáld

Sorcha Richardson (IE) söngvaskáld

SOAK (NI) söngvaskáld

Ásta Krístin Pjetursdóttir (ÍS) víóla

HÁTÍÐIN