Um listamanninn
Johanna Ruppert stundaði fiðlunám í Weimar, Zürich og Graz og lauk prófi frá Franz Liszt tónlistarháskólanum í Weimar þar sem hún er nú kennari. Hún hefur komið fram sem einleikari og í kammertónlist, meðal annars í dúóinu Karuna með gítarleikaranum Jessicu Kaiser. Hún er einn af listamönnum umboðsskrifstofunnar Tonalisten sem leggur áherslu á félagslegt mikilvægi tónleikahalds, ekki síst hvað varðar ungt fólk. Í þeim anda stýrir hún Step Up sem er eins konar fræðsludeild Orchester im Treppenhaus.
