HÁTÍÐIN

SAGAN

Tónlistarhátíðin Við Djúpið var fyrst haldin á Ísafirði og nágrenni um sumarsólstöður árið 2003. Frá upphafi hefur námskeiðahald verið meginstef hátíðarinnar. Framúrskarandi kennarar taka þátt og bjóða þátttakendum upp á námskeið með masterclass sniði. Þetta námskeiðahald var lengi vel einsdæmi á landinu og voru um tíma einingabær í Listaháskóla Íslands.

Strax í upphafi skapaðist svo hefð fyrir því að aðalkennarar hátíðarinnar léku á tónleikum í dagskrá hennar enda hefur hátíðinni ævinlega lánast að fá góða tónlistarmenn til þess að stýra námskeiðunum. Þar að auki koma ýmsir aðrir listamenn fram í hátíðardagskránni sem og nemendur námskeiðanna sem allir koma fram á tónleikum. Með þennan grunn að leiðarljósi var síðar byggt ofaná dagskrá tónlistarhátíðarinnar.

Þar ber fyrst að nefna verkefni sem Tónlistarhátíðin Við Djúpið í samstarfi við Rás 1 stóð fyrir fjögur ár í röð; „Leit að nýjum tónskáldum“, þar sem ungum tónskáldum var boðið til samstarfs við framúrskarandi hljóðfæraleikara. Afraksturinn, ný tónverk.

Hljóðfærahóparnir sem tóku þátt voru Ísafold kammersveit, blásarakvintett frá Nordic Chamber Soloists og síðast Ensemble ACJW frá Carnegie Hall í New York (nú Decoda).

Til viðbótar hefur verið efnt til hádegistónleikaraðar, á tímabili í samvinnu við Háskólasetur Vestfjarða en nú Edinborgarhúsið, þar sem almenningi gefst tækifæri á að skyggnast aðeins nánar inn í heim tónlistarinnar, en gengur og gerist.

Nánar á Wikipedia.

VIÐ DJÚPIÐ Í DAG

Tónlistarhátíðin Við Djúpið fer fram dagana 17.–22. júní 2024. Hún er haldin af áhugafólki frá Ísafirði með stuðningi fjölmargra aðila.

Stjórnandi: Greipur Gíslason

Verkefnastjóri: Bjarney Ingibjörg Gunnlaugssóttir

Aðstoð: Grace M. Alexander Pétur Ernir Svavarsson

Listrænn ráðgjafi: Sæunn Þorsteinsdóttir

Hönnuðir: Anton Jónas Illugason Símon Viðarsson

Textar í efnisskrár: Svanhildur Óskarsdóttir

MIÐASALA

Miðasala á hátíðina fer fram á tónleikastað og á netinu. Hægt er að kaupa staka miða eða hátíðarpassa sem gildir á alla tónleika.

Almennt miðaverð: 3.200 kr.

Ungt fólk og námsmenn: 2.200 kr.

Hátíðarpassi: 10.000 kr.

Hádegistónleikar: 1.000 kr.

Miðasala á netinu

FYRRI HÁTÍÐIR

HEIMAGISTING

Nemendum á námskeiðum hátíðarinnar getur boðist að njóta gistingar í heimahúsum hjá velunnurum hátíðarinnar eða fjölskyldum sem eiga börn í tónlistarnámi. Kjósi nemendur að sækjast eftir því láta þeir vita við skráningu.